!وكالعادة، لازم ننوَّر الظلمة

في الأول، عايزين نعرف، مين أحمد سمير قبل ما يكون مقدم إيجيكولوجي؟ 
أنا أحمد سمير، اتخرّجت فبراير اللي فات من هندسة ميكانيكا، الجامعة الأمريكية. كنت عايش في كندا فترة من حياتي، بعدين في مصر، بعدين السعودية، بعدين مصر تاني، شخص متنقل، بحب العلم جدًا! كنت الأول على دفعتي في الجامعة الأمريكية وألقيت خطاب الدفعة. بحب أقرأ! بحب اللون الأحمر والأزرق
13062015_1708100436126941_8097400805490183237_n
ليه معظم الفيديوهات اللي بتقدمها عن الفلسفة وعلم النفس، مع إنك خرّيج هندسة؟ 
عامةً، مش مقتنع بفكرة إنه عشان أنا دارس شيء معين، لازم يكون الشيء ده اللي بقدّمه للناس. في الأول والآخر أنا بقدّم محتوى للناس، الناس محتاجة محتوى مفيد، محتوى يفسّر لهم اللي بيحصل حواليهم. ليه بنتصرّف بطريقة معينة في مواقف معينة، ليه التصرّف ده ممكن يكون غلط وليه ممكن يكون صح. الفلسفة وعلم النفس بيقدموا ده، وبيفيدوا الناس وبيغيّروا من الناس، سواء كان اللي بيسمعني بنت عندها 13 سنة أو راجل عنده 50 سنة، لازم أراعي إن المحتوى يناسبهم هم الاتنين، معتقدش إنه الهندسة تقدر تقدّم ده.

11817184_1614132872190365_4129623904640104075_n

بتختار مواضيع الفيديوهات على أساس ايه؟ بتختار المواضيع اللي تكون كل الناس بتتكلم عليها؟ 
مش شرط. مش مهم الموضوع قد ما مهم الطريقة اللي بتناوله بيها، مثلًا العيد اللي فات، مفيش حد ماتكلمش عن التحرش، لكن محدش اتكلم عن العلم اللي وراه، وليه الناس بتعمل ده. أنا عملت ده في حلقة نظرية التحرش. يعني مثلًا لما كان وقت احتفال أكتوبر، عملت فيديو ليه مصر كسبت في حرب أكتوبر. معظم الوقت بيكون حسب الوقت، لكن مش دايمًا. وبحب آخد رأي الجمهور، وأجاوب على أسئلتهم.

13620982_1734959236774394_7853955046331310768_n

 

كلمنا عن إيجيكولوجي من الأول خالص، ليه اخترت أسامي الشخصيتين يكونوا ريد وبلو؟ 
من وأنا صغير، ووالدي كان بيندهني “أحمر” بدل “أحمد”، ومن هنا جت شخصية ريد، اللي هو أنا، الشخص اللي بيحب العلم، ممكن يهزر من وقت للتاني لكن معظم الوقت شخصية جد جدًا. لكن كان ليا صديق، عبدالله حمدي، كنت بقلب معاه شخص تاني تمامًا، شخصية أخف وبتهزر على طول. لما بدأت إيجيكولوجي كنت بدوّر على شخصية تكون عكس ريد شوية، أول شخص جه في بالي كان بلو!
12400496_1662094734060845_7552380622858020124_n

هنشوف الsplit screen تاني قريب؟
ال split screen كانت بتاخد وقت طويل جدًا، وكمان كان المونتاج بتاعها صعب جدًا لإنه لازم أمشّي التوقيتين مع بعض، بدل ما كنت بعدّل في فيديو واحد كنت بعدّل اتنين، كمان كان لازم اخد بالي إنه ردود أفعال بلو تكون ماشية مع اللي ريد بيقوله والعكس، وده كان تصويره صعب. لكن هحاول أرجعها تاني لما يكون عندي وقت!
2016-08-30
ايه أكتر فيديو بتحبه من اللي عملتهم؟
كل فيديو له ذكرياته ومواقفه. مثلًا: فيديو ليه بنحب أمهاتنا، له ذكرياته الجميلة مع والدتي. أعتقد كل حلقة فيها رسالة بحبها، مهما كانت الرسالة صغيرة

2016-08-30 (1)

شايف ايه احسن حاجة حصلتلك بسبب إيجيكولوجي؟
أعتقد إنه أحسن حاجة حصلتلي، الناس اللي قدرت أوصل لها، همّ علموني وقدروا يأثروا فيا أكتر بكتير من تأثيري فيهم

 

احكيلنا عن تجربتك مع قمرة؟
قررنا إن احنا نقدّم، بسبب صديقي أحمد الدلّال، فِضِل أربع شهور يقول لي لازم نقدّم! لازم نعمل فيديو! قدمنا وقالوا لنا انتم اتقلبتوا، وهنعرض حلقتكم في رمضان، اتبسطنا جدًا أنا وإحسان والدلّال. كنا عاملين حسابنا إنها هتتذاع في العشرة الأواخر مثلًا، لكن طلعت يوم 4 رمضان! مرحلة التصويت كانت صعبة جدًا وحلوة جدًا، لقيت دعم كبير جدًا، من أهلي ومن أصدقائي ومن ناس معرفهاش حتى! والحمدلله كنّا المركز الأول واتأهلنا للنهائيات، اللي هي كانت الفترة اللي فاتت دي والتصويت كان على مدار أسبوعين، كان صعب وأنا والفريق كله كنا مشغولين. لكن الحمدلله بردو ناس كتير دعمتنا! وفي الآخر المكسب كله بيتمثل في الناس اللي وقفت معانا
13339677_1724504854486499_3081764339363901170_n

 

شايف نفسك فين كمان عَشَرْ سنين؟
أتمنى أقدر التزم ب”نوّر الظلمة” وأفضل ماشي على الطريق ده، وأكمل في دراسة الهندسة، أتمنى يتقال بعد عَشَرْ سنين شوف دي بنت أو ابن أحمد سمير مكملين إيجيكولوجي ازاي، ميتقالش إنه ياه ايجيكولوجي ده كان حاجة جميلة وخلصت

تحب تضيف حاجة في الآخر؟
.وكالعادة، لازم ننوَّر الظلمة! بيس آوت

SSC_0066

Share the joy
  •  
  •  
  •  
  •  
  •  
  •  
  •  
  •  

You may also like...

Leave a Reply

Your email address will not be published. Required fields are marked *